Татарстанда 31 июльдә яңгыр, яшен һәм томан фаразлана
Бүген, җомга көнне, республика буйлап үзгәрешле болытлы һава шартлары көтелә. Көн дәвамында кыска вакытлы явым-төшемнәр узачак, ә төнге һәм иртәнге сәгатьләрдә урыны белән томан төшүе ихтимал. Яңгыр белән бергә кайбер районнарда яшен һәм боз да күзәтелергә мөмкин, дип кисәтә Гидрометеорология үзәге белгечләре. Бу хакта «Татар-информ» МА яза.
Һава агымнары көньяк-көнчыгыштан һәм көнчыгыштан исәчәк, тизлеге секундына 5-10 метр тәшкил итәчәк. Көчәйгәндә ул 13 метрга, яшен вакытында исә 15-18 метрга кадәр җитәргә мөмкин.
Көндез температура +18..+23 градус диапазонында булачак.
Казан шәһәрендә дә шушындый ук күренеш көтелә: болытлылык үзгәреп торачак, вакыт-вакыт яңгыр явачак, боз төшүе дә ихтимал. Җил юнәлеше – көньяк-көнчыгыштан көнчыгышка, тизлеге – секундына 5-10 метр. Башкалада көндез һава +21..+23 градуска кадәр җылыначак.
Район территориясендә дә шундый ук һава торышы саклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев