Татарстанда 30 милләт вәкиле өчен 111 якшәмбе мәктәбе ачылган

Аның сүзләренчә, бу мәктәп белән хаклы рәвештә горурланалар. Узган атнада Күпмилләтле якшәмбе мәктәбенең 30 еллыгына багышланган тантаналы чаралар үткән.

Спикер ассызыклаганча, Татарстанның мәгариф системасын республикада яшәүче халыкларның телләренә һәм мәдәниятләренә сакчыл мөнәсәбәт аерып тора. Җитәкчелек тарафыннан даими игътибар итү һәр уку йортына милли мохитне үстерү өчен уңышлы траектория төзергә мөмкинлек бирә.

Министр урынбасары билгеләп үткәнчә, халыкның этномәдәни ихтыяҗларын һәм милли күптөрлелекне исәпкә алып, белем бирү программаларын гамәлгә ашыручы мәктәпләр челтәре формалашкан. Балалар бакчаларында рус, татар, чуаш, удмурт, мари, мордва телләрендә тәрбия һәм белем бирүче төркемнәр эшләп килә.

Татарстан Рәисе эчке сәясәт мәсьәләләре департаменты каршындагы Милли сәясәтне гамәлгә ашыру идарәсе начальнигы Данил Мостафин өстәп әйткәнчә, тел һәм этномәдәни үзенчәлекләрне белем бирү киңлегенә кертү укучыларда белем генә түгел, ә үзара хөрмәт, үз тарихына һәм мәдәниятенә кагылышлылык хисен тәрбияли.

Ул искәрткәнчә, илнең Дәүләт милли сәясәте стратегиясендә әйтелгән: Россия дәүләтенең тарихи территориясендә рус халкының берләштерүче роле һәм гасырлар буе дәвам иткән мәдәниятара, милләтара үзара тәэсир нәтиҗәсендә уникаль мәдәни күптөрлелек һәм халыкларның рухи бердәмлеге формалашкан.

Республиканың тарих һәм мәдәният истәлекләрен торгызу фондының башкарма директоры Зөлфия Сөнгатуллина туган телләрне саклап калуда укытучыларның ролен аерым билгеләп үтте.

Аның фикеренчә, иң кыен әйбер – балага туган теленә мәхәббәт уяту, аның шул телдә сөйләшүенә, укуына, җырлавына ирешү. Илнең тел күптөрлелеген югалтмау мөһим. Уникаль тел, уникаль халык, уникаль цивилизация юк, дип белдерде ул, ләкин күптөрлелекнең уникальлеге бар. Ә бөтен кешелек тарихы – бу мәдәниятара диалог, дип йомгаклады Сөнгатуллина.