Татарстанда 2020 елдан бирле 127 меңнән артык ана капиталы сертификаты бирелгән
Быел башыннан Татарстандагы Россия Социаль фонды бүлеге 7 меңнән артык бала капиталы сертификатын гаризасыз рәвештә рәсмиләштергән. Узган ел мондый 19,3 мең документ теркәлгән, дип хәбәр итә ведомство матбугат хезмәте. Бу хакта «Татар-информ» МА яза.
Беренче балага дәүләт ярдәме күләме – 728 921 сум. Әгәр беренче бала 2020 елга кадәр туган булса, ә икенчесе – 1 гыйнвардан соң, ул чакта сумма 963 243 сум тәшкил итә.
Сертификат автоматик рәвештә – гаризалар һәм шәхси килүләрсез рәсмиләштерелә. Сабый тугач, мәгълүматлар Социаль фондка килеп керә, ә әзер документ ата-ананың «Дәүләт хезмәтләре» порталындагы шәхси кабинетына юнәлтелә.
Сертификатның цифрлы версиясен йөкләп алып, бастырып чыгарып була, аның гамәл вакыты чикләнмәгән. Бүлеп бирү вакытында күрсәтелгән сумма ел саен 1 февральдә индексацияләнә. Документны алмаштыру кирәк түгел – күләм автоматик рәвештә төзәтелә. Актуаль сумманы яки калдыкны «Дәүләт хезмәтләре» порталы аша тикшереп була.
– Сертификатларны проактив форматта рәсмиләштерү Татарстанда 2020 елдан гамәлдә. Гаиләләргә гариза бирү кирәкми, чөнки документ автоматик рәвештә формалаша, – дип ассызыклады ТР буенча Россия Социаль фонды бүлеге идарәчесе Эдуард Вафин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев