Сөлек авылы балалары агач утыртуда актив катнаштылар

Тирә-ягыбыз, туган җир - яшел бишегебез, сулар һавабыз, эчәр суларыбыз кешеләр битарафлыгыннан сыкрап утыра түгелме соң?! Уйлап карасаң, туган табигатебез, баласын баккан анадай, үзенең байлыклары белән кешегә хезмәт итә бит. Шуңа күрә дә кайбер язучылар җирне, табигатьне ана белән тиңлиләр: Җир-Ана, Табигать-Ана. Ә кешеләр - аларның балалары. Балалар сәламәт булса гына, балалар акыллы булса гына ана күңеле тыныч була.Бөтен көчебезне куеп тырышсак кына, без табигатьне саклап кала алабыз. Сөлектә моны бик яхшы аңлыйлар, шуна да балаларны аны саклап кына калырга түгел,ә инде тәрбияләргә дә өйрәтәләр.