Сарманда тарихи дата уңаеннан чара узды

"Сарман: иң яңа хәбәрләр", 30 сентябрь 2025 - 11:14

526

Бүген – 30 сентябрьдә Россиянең Донецк һәм Луганск халык республикалары, Запорожье һәм Херсон өлкәләренең кушылу көне билгеләп үтелә.

Әлеге истәлекле дата илебез Президенты Владимир Путин Карары белән үткәрелә.
Татарстанлылар да алгы сызыктагы якташларына олы ярдәм күрсәтәләр. Лисичанск, Рубежное шәһәрләренә гуманитар йөк озатуга сарманлыларның да зур өлеше керә.
- Безнең районнан 862 тонна гуманитар ярдәм озатылды. “Петровка заводы” махсус хәрби операция зонасына 500 тонн чиста су җибәрде. Безнең көч – бердәмлектә. Барыгызга да ныклы сәламәтлек, тынычлык, иминлек, якташ ир-егетләребезнең исән-сау туган якларына әйләнеп кайтуларын телим, - диде район башлыгы Фәрит Хөснуллин, чарада катнашучыларны сәламләп.
“Сердәш” ансамбле башкаруындагы җырлар да патриотик тәрбиягә юнәлдерелгән иде.