Сарманда яшәүче Гыйбадуллиннарны бриллиант туйлары белән котладылар

"Сарман: иң яңа хәбәрләр", 15 май 2023 - 11:20

979

Район башлыгы Фәрит Хөснуллин Сарманда яшәүче Соббух һәм Гөлсинә Гыйбадуллиннарны гаилә корып яши башлауларының 60 еллыгы белән тәбрикләде, изге теләкләрен җиткереп, Рәхмәт хаты һәм истәлек бүләкләре тапшырды. Район Башкарма комитеты җитәкчесе урынбасары Индира Сәхипова, Сарман авыл җирлеге башкарма комитеты җитәкчесе Лилия Шәрипова, район ветераннар Советы рәисе Асыляр Харисов, ЗАГС бүлеге начальнигы Гөлчәчәк Вәлишина, балалары, оныклары, туганнары да “Ныклы гаилә” проектында катнашучыларга тигез гомер, сәламәт тормыш теләделәр.