Сарманда Чернобыль ликвидаторлары һәм анда катнашучыларның тол хатыннары белән очрашу узды

Бүген "Сарман" ресторанында Халыкара радиацион аварияләр нәтиҗәләрен бетерүдә катнашучыларны һәм аларда зыян күрүчеләрне искә алу көне узды. Очрашуга Чернобыль ликвидаторлары һәм анда катнашучыларның тол хатыннары килделәр. Алар алдында район Башкарма комитеты җитәкчесе урынбасары Индира Сәхипова һәм республика Хәрби комиссариатының Сарман һәм Мөслим районнары буенча бүлек начальнигы Дашгын Гасанов чыгыш ясадылар. Чернобыль ликвидаторлары исеменнән Риф Вәлиев һәм Әнәс Якупов сөйләделәр. Риф Вәлиев шулай ук ике җырын да бүләк итте. Җырлар район мәдәният бүлеге хезмәткәрләре тарафыннан да яңгырады.

Чернобыль ликвидаторларына һәм анда катнашучыларның тол хатыннарына продукт пакетлары таратылды.