Сарман үзәк балалар китапханәсендә чираттагы «Библиосумерки-2021» кичәсе үткәрелде

23 апрель көнне күркәм традиция буенча Сарман үзәк балалар китапханәсендә чираттагы «Библиосумерки-2021» кичәсе үткәрелде. Бу юлы чара «Космик сәяхәттә» исеме астында узды. Акциянең темасы – космостагы беренче кеше Юрий Гагарин очышына 60 ел тулуга һәм фәнни технологияләр елына багышланган иде. Чара барышында “Комета” һәм “Юпитер” командалары үзләренең белемнәрен сынадылар. Командаларына исемне һәм девизны да үзләре уйлап таптылар, командир сайладылар. Китапханәчеләр алдан әзерләп куйган биремнәрне бик уңышлы башкарып чыктылар. Соңыннан балалар Е. Качуринның «Увлекательная Астрономия», «Планета Земля», Е. П. Левитанның «Сказочные приключения маленького астронома» исемле космос турында китаплары белән таныштылар. Шулай ук аларга Н. Носовның «Белмәмешнең айга сәяхәте» исемле китабы класстан тыш уку өчен тәкъдим ителде. Балаларга истәлеккә “Иң көчле” дигән медаль тапшырылды.