Сарман яшьләре чүплектә ял итәргә яраталар

Һәркемнең баласын тәүфыйклы, миһербанлы итеп күрәсе килә. Шулай булгач, тәрбиясезләр каян килеп чыга икән? Сарманның Карл Маркс урамының Мортыштамак авылы башын яшьләр кичке, төнге ял итү урынына әйләндергәннәр. Ярар, шуннан ни, диярсезме? Ә менә бу фотоларга күз салыгыз. Җәмәгать урынында алкогольле эчемлекләр эчү генә җитми аларга, үз артларыннан шундый “чисталык”та калдырыралар. Икенче көнне шул чүпләр өстенә килү үзләренә күңелле микәнни соң? Ни өчен ул яшьләрдә (Һәрхәлдә, өлкән яшьтәгеләр анда кич утырмый) бераз гына да мәгънә юк?!