Сарман волонтерлары җанисәп алуда катнашалар

Районда халык санын алу кампаниясенә бик теләп волонтерлар да кушылдылар. Яшьләрнең активлыгы зур булышлык итә. Алар халыкны җанисәп алуда катнашу юллары белән таныштыралар, анкетаны ничек тутырырга икәнен аңлаталар, өлкәннәргә сорауларга җавап бирүдә ярдәм итәләр. Бүгенге көндә аграр көллияттә укучы 4 волонтер кыз бу вазифаны зур җаваплылык хисе тоеп башкаралар. Аларны районның күпфункцияле үзәгендә дә очратырга мөмкин.

Альбина Сабирова