Сарман урта мәктәбе дирекциясе укучылар һәм әти-әниләр катнашында ата-аналар җыелышы үткәрде

Кичә Сарман сәнгать мәктәбендә Сарман урта мәктәбе дирекциясе укучылар һәм әти-әниләр катнашында ата-аналар җыелышы үткәрде. Анда төп дәүләт имтиханнарын (ОГЭ) һәм бердәм дәүләт имтиханнарын (ЕГЭ) бирү мәсьәләләре каралды. Аерым алганда, әлеге имтиханнар буенча муниципаль координаторлар Резеда Фәррахова һәм Алия Әсләмова имтиханнарның сроклары, дәвамлылыклары, аларны бирү тәртибе, үзгәрешләр һәм башкалар белән таныштырдылар. Әти-әниләр игътибарына шулай ук Сарман урта мәктәбе психолог-педагогы Гөлфинә Гәрәйшинаның киңәшләре тәкъдим ителде.

Җыелышны Сарман урта мәктәбе директоры Гөлназ Сабирҗанова алып барды һәм укучыларга имтиханнарда уңышлар теләде.