Сарман сулагайлары кәефләренә карап эш итәләр

Статистика буенча, Җир шарында 10 процентка якын халык - сулагай.

Элегрәк сулагайларга шикләнеп караганнар, аларны уң кул белән эш итәргә мәҗбүр итә торган булганнар. Хәзер андый ук "кыргыйлыклар" очрамый. Киресенчә, аларның үз бәйрәмнәре дә бар. Халыкара сулагайлар көне, Британиянең сулагайлар клубы инициативасы буенча, 1992 елның 13 августында билгеләп үтелә.

Характер буенча сулагайлар, күбесенчә, эмоциональ булалар. Алар беркатлы, ышанучан, ачык булулары белән аерылып торалар. Күп очракта кәефләренә карап эш итәләр. Сулагайлар арасында язучылар, журналистлар, сәнгать осталары, оештыручылар еш очрый.