Сарман студентларының стипендияләре арта

Яңа нормативлар буенча, колледж һәм техникум студентларының минималь стипендиясе аена 487 сум тәшкил итәчәк, югары уку йортларында белем алучылар 1340 сум стипедиягә ия булачак. Колледж студентлары өчен социаль стипендия хәзер 730 сум булса, югары уку йортлары студентлары өчен 2010 сумга җитәчәк.

Студентлар нинди стипендия алачагын хәзер уку йорты студсоветлар ярдәмендә билгеличәк. Тик ул билгеләнгән нормативтан түбән булырга тиеш түгел.

Әйтеп китергә кирәк, аспирантларның стипендиясе шулай ук артты. Ул аена 2637 сумнан алып 6717 сумга кадәр тәшкил итәчәк.