Сарман гимназиясенә һәм Александровка төп гомуми белем бирү мәктәбенә яңа мәктәп автобуслары кайтты

Кичә Татарстан Республикасы Президенты Рөстәм Миңнеханов район башлыкларына яңа мәктәп автобусларыннан ачкычлар тапшырды. Тантаналы рәвештә ачкычлар тапшыру тантанасы ТР Дәүләт Советы бинасы каршында үтте.

Мәктәп автобуслары 26 районга, шул исәптән Сарман районына да тапшырылды.

Бүген ике ГАЗ-322121 автобусы Сарман гимназиясенә һәм Александровка төп гомуми белем бирү мәктәбенә кулланышка бирелде. Чарада район мәгариф бүлеге җитәкчесе Әлфәт Сабиров, аның урынбасары Газинур Габидуллин һәм район «Хуҗалык тәэминаты» муниципаль унитар предприятиесе директоры Раел Илһаметдинов катнаштылар.