" Сарман " белән бергә яшибез

«Сарман» белән бергә яшибез

Нәзирә Зыятдинова, Сарман авылы:

- Үзүземне белә белгәннән бирле "Сарман" газетасына язылмыйча калганыбыз юк. Аны кунак көтеп алгандай алабыз, чиратлап укыйбыз, кайбер язмаларны кат-кат укып чыгабыз. Газетада безнең өчен барлык язмалар да кызыклы. Аеруча сарманлыларның яраткан шагыйре Дамир Гарифуллинның шигырьләрен укыйбыз. Гомумән, газетада безгә ошамый торган язмалар юк. Киләсе яртыеллык өчен дә 5 октябрьдә үк ташламалы бәягә язылып куйдык. Форсаттан файдаланып, шуны да әйтәсем килә: аръякка чыга торган күпер буенда зур-зур эшләр башкарыла. Анда иртә таңнан ук эш башлана. Көн саен андагы эш барышын бер карап менәбез. Сарманның көннән-көн матурлануы өчен район башлыгына, башка җаваплы хезмәткәрләргә бик рәхмәтлебез.