Шәрләрәмә авыл җирлеге ветераннар советы рәисе Роза Хәким кызы Шәйгардановага 75 яшь тулды
Бүген Шәрләрәмә авыл җирлеге ветераннар советы рәисе Роза Хәким кызы Шәйгардановага 75 яшь тулды.
Олуг юбилее белән ветеранны район башлыгы урынбасары Гүзәл Гәрәева тәбрикләде, изге теләкләрен җиткереп, район башлыгы Фәрит Хөснуллинның Рәхмәт хатын, чәчәк бәйләме hәм истәлек бүләге тапшырды.
Район мәгариф бүлеге начальнигы Гөлшат Идрисова, мәгариф хезмәткәрләренең профсоюз комитеты рәисе Илдар Хадиев, район ветераннар Советы рәисе Асыляр Харисов, Россия пенсионерлар берлегенең район бүлекчәсе рәисе Нурсинә Хәйруллина, мәгариф өлкәсе ветераннарының профком рәисе Раян Әхмәтбаев, Шәрләрәмә авыл җирлеге башлыгы Наилә Хуҗина, җирлек башкарма комитеты хезмәткәрләре, район ветераннар хәрәкәте активистлары да юбилярга ихлас теләкләрен җиткерделәр. Роза апаны "Сарман таңнары" әдәби-иҗат берләшмәсе әгъзалары да котладылар.
Следите за самым важным и интересным в Telegram-каналеТатмедиа
Нет комментариев