Сарман аграр көллияте белдеклеләре "Нәрсә? Кайда? Кайчан?" уенында җиңделәр

Сарман аграр көллиятендә "Нәрсә? Кайда? Кайчан?" интеллектуаль уенының чираттагы утырышы узды. Ул рус әдәбиятының 60-80 еллар поэзиясенә багышланды. Клуб җитәкчесе Резидә Сәфәргалина һәм уенны алып баручы - рус теле һәм әдәбияты укытучысы Асия Хәбибуллина бай эчтәлекле кичә әзерләгәннәр. Сәхнә бизәлеше, фон өчен куелган салмак музыка, уен барышында яңгыраган җырлар, укылган шигырьләр шул чорны күзалларга мөмкинлек тудырды. Уенчылар, утырыш эшендә катнашучылар үзләренә бик күп мәгълүмат тупладылар, кызыклы яңалыклар алдылар. Уен белдеклеләрнең җиңүе белән тәмамланды. Алар барлыгы 620 сум акча эшләделәр. Бер тамашачының җавабы 60 сумга бәяләнгән сорауга булды. Клуб банкына 100 сум акча китте.

Шулай ук укыгыз:

Сарманда "Нәрсә? Кайда? Кайчан?" уены клубының чираттагы утырышы узды