Рөстәм Миңнеханов 430 нчы полкны гвардия исеме белән котлады
Татарстан Рәисе Рөстәм Миңнеханов 430 нчы мотоукчылар полкына «гвардия» мактаулы исеме бирелү уңаеннан полк командиры полковник Айдар Бәйрәмгуловка һәм барлык хәрби хезмәткәрләргә котлау юллады.
Рәис билгеләп үткәнчә, бу исем — формированиенең сугышчан казанышларын тану, Махсус хәрби операция барышында батырлык һәм ныклык күрсәткән сугышчыларның хезмәтенә югары бәя.
Миңнеханов сүзләренчә, татарстанлылар батыр якташлары белән горурлана. Алар — Җиңүчеләр буынының лаеклы варислары, Ватанга хезмәт итү, хәрби бурычка тугрылык традицияләрен дәвам итүчеләр.
Рәис барлык сугышчыларга нык сәламәтлек, уңышлар, Җиңүгә ышаныч, шулай ук исән-сау әйләнеп кайту теләде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев