Росгвардиянең Татарстандагы хезмәткәрләре җәйге уку-күнегүләрен башлап җибәрде
Татарстан Росгвардия идарәсе һәм ведомствоның республикадагы хәрби частьләре базасында җәйге әзерлек чаралары старт алды. Бу хакта матбугат хезмәте хәбәр итә, дип яза «Татар-информ» МА.
Территориаль идарәдәге дәресләр гомуми җыелыштан башланды. Анда катнашучыларга хәзерге геосәяси шартлар һәм Росгвардиянең баш командующие билгеләгән төп бурычлар аңлатылды. Шулай ук хезмәткәрләргә корал кулланганда куркынычсызлык кагыйдәләре, янгынга каршы саклау, көнкүреш куркынычсызлыгы, шулай ук җәрәхәтләнгәннәргә беренче ярдәм күрсәтү алымнары турында төшенчә бирелде.
Хәрби частьләрдә дә шөгыльләнүчеләргә ошаган темаларга кагылышлы инструктаж уздырылды. Теорияне ныгыту максатында махсус уку урыннары оештырылган. Анда хезмәткәрләргә кораллар белән эш итү һәм автотранспортны техник хезмәт күрсәтү барышында саклык чараларын практик рәвештә күрсәттеләр.
Уку-күнегүләр октябрь ахырына кадәр дәвам итәчәк. Яңа белемнәрне үзләштерү дәрәҗәсе сынаулар тапшыру юлы белән бәяләнәчәк. Әзерлек чоры эчендә росгвардиячеләр хәрби-сәяси, юридик, янгын, физик һәм башка махсус дисциплиналар буенча белемнәрен камилләштерәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев