Римма Никитина: "Элвин Грей җырымны тыңлады да качты"

Яшь җырчы Римма Никитина Радикка багышлап “Өйлән давай!” дигән җыр язган иде. Күпләр кызны Элвин Грейга гашыйк булган, хәтта кияүгә чыгарга җыена дип сөйләде. Ә чынлыкта ничек соң?

– Элвин Грейга кияүгә чыгарга исәбем юк. Аның белән дуэт җырлар өчен җыр язган идем:

“Радик Юльякшин, син шәп малай,

Мин матур көйләр, җырлар язам, давай.

Бергә-бергә җырлар язар идек без,

Син миңа өйлән, давай”, – дип.

Ул шул җырны тыңлады да, качты. Җавап бирмәде. “Риза” дип тә, “риза түгел”, дип тә әйтмәде. Аның тавышы, киенүе кызыклы. Җырлары көчле, дәртле, аранжировкасы бик яхшы. Радикны кеше буларак бик хөрмәт итәм, әмма егет буларак ул миңа ошый дип әйтә алмыйм. Аңа мөкиббән түгелмен, - дип сөйләгән Римма Акчарлакка .

http://matbugat.ru/news/?id=21901