Район командасы картинг ярышларында икенче урын алды

16 августта Кама Аланы поселогында балалар, яшүсмерләр, юниорлар һәм яшьләр арасында ТАИФ-НК Кубогына картинг буенча V Республика ярышлары узды. Спортчылар "Пилот" (8-16 яшь), "Стриж" (8-16 яшь), "125-стандарт" (13-18 яшь) классларында ярыштылар. Шулай ук "Мини-багги" һәм "Микро-багги" классларында Татарстан Республикасы Кубогына ярышлар үткәрелде.

Район егетләре ярышларда уңышлы чыгыш ясадылар. "Стриж" классында - Риналь Сабиров, ә "125-стандарт" классында Илһам Шакиров икенче урыннарга лаек булдылар. Айрат Фәрхетдинов шул ук "125-стандарт" классында өченче булды.

"Пилот" классында Алмаз Ахмедов үзенең чираттагы җиңүен яулады. Гомумкоманда зачетында Сарман районының "Ялкын" командасы икенче урынны алды.