Рафил – беренче

Май ахырында Алексеевскийда башлангыч һәм урта һөнәри белем бирү учреждениеләре укучыларының республика олимпиадасы узды. Анда авыл хуҗалыгы тармагы белгечләре әзерләүче 25 уку йорты катнашты. "Авыл хуҗалыгы тракторчы-машинисты" номинациясендә Сарман аграр көллиятенең II нче курсының 1 нче группа укучысы Ахунов Рафил Рифгать улы җиңү яулады һәм Диплом, акчалата бүләк белән бүләкләнде. Аңа шулай ук Казан Дәүләт аграр университетының бюджет бүлегенең I нче курсына керү мөмкинлеге бирүче сертификат тапшырылды. Рафилның укытучысы Ринат Гыйльфанов, мастеры Рафис Фәйзуллин да I дәрәҗә Диплом һәм акчалата бүләккә лаек булдылар.