САРМАН

Сармановский район

18+
Рус Тат
2024 - Гаилә елы
Җәмгыять

Прививка ясатмаучыларның эштән читләштерелүен тикшерә башлаячаклар

Татарстанда кайбер кешеләр өчен коронавирус инфекциясенә каршы мәҗбүри вакцинация турындагы карарны үтәүнең срогы якынлаша. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина шулай дип белдерде.

Республиканың баш санитар табибы карары нигезендә, вакцинация узарга тиешле хезмәткәрләр 9 ноябрьгә һичьюгы беренче прививканы ясатырга тиеш, юкса алар эштән читләштереләчәк. 7 декабрьдән коронавируска каршы вакцинаның икенче компонентын алмаучылар шулай ук эштән азат ителәчәк.

«Карар нигезендә, без хезмәткәрләрне 9 ноябрьдән эштән читләштерергә тиеш. Эш бирүчеләргә кемнәрне читләштерәчәкләрен ачыкласыннар өчен бер көн вакыт бирәбез. Әлегә без кешеләрнең беренче прививканы ясатканмы-юкмы икәнлеген карыйбыз, чөнки икенчесенә кадәр вакыт бар әле. 10 ноябрьдән республика районнарында бу процессның ничек баруын тикшерә башлаячакбыз», — дип ачыклык кертте Авдонина.

Роспотребнадзор белгечләре, эчке мәгълүмати системалар аша кайсы тармакларда вакцинациянең сүлпән баруын ачыклап, беренче чиратта шуларга тикшерү белән киләчәк.

Реклама

Россия Президенты Владимир Путин берничә тапкыр Россия халкын коронавирус инфекциясенә каршы прививка ясатырга чакырды. Ул массакүләм вакцинациядән башка коронавирус пандемиясен җиңеп булмаячагына игътибар юнәлтте.

 

Чыганак: https://vatantat.ru/2021/11/67694/ 

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев