Матбугат үзәгеннән көн рецепты – әфлисун, күрәгә һәм кедр чикләвекләреннән кекс

Кирәк булалар:

- он - 200 грамм;

- ак май - 190 грамм;

- эре әфлисун - 1 данә;

- кедр чикләвекләре - 3 уч;

- күрәгә - 2 уч;

- тавык йомыркасы - 2 данә;

- көрән шикәр - 4 аш калагы;

- көпшәкләгеч - 1 чәй калагы;

- диңгез тозы - ¼ чәй калагы.

Духовканы 190 градуска кадәр кыздырабыз.

Онны көпшәкләгеч һәм тоз белән бутыйбыз.

Әфлисунның цедрасын вак кыргычта кырабыз, 150 миллилитр сок сыгабыз.

Алдан йомшартылган 180 грамм ак майны шикәр һәм әфлисун цедрасы белән кушабыз, бертөрле масса итеп бутыйбыз, 1 йомырка һәм 1 аш калагы он өстибез, бутыйбыз, тагын 1 йомырка өстибез һәм болгатабыз.

Онның күп өлешен салабыз, бутыйбыз, әфлисун согын салабыз һәм болгатабыз.

Онның калган өлешен салып бетерәбез һәм камыр ясыйбыз.

Кедр чикләвекләрен кызган табада киптерәбез.

Күрәгәне вак кисәкләргә турыйбыз.

Чикләвек һәм күрәгәне камырга салабыз, бутыйбыз.

Форманы калган ак май белән сылыйбыз, камырны куябыз һәм тигезлибез.

Кексны кызган духовкада 25-35 минут пешерәбез.