Матбугат үзәгеннән көн рецепты – бәрәңге шарчыклары

Сезгә бәрәңге шарчыклары рецептын тәкъдим итәбез.

Кирәк булалар:

- бәрәңге - 5-6 данә;

- манный ярмасы - 4 аш калагы;

- йомырка - 1 данә;

- үсемлек мае;

- тоз.

Бәрәңгене пешерәбез һәм, бераз суытып, эре тишекле угычта уабыз.

Аңа манный ярмасы, йомырка, тоз кушабыз һәм болгатабыз.

Әзер катнашмадан камыр басабыз.

Камырны кечкенә кисәкләргә бүлеп, шарлар әвәлибез.

Шарларны майлы табада кыздырабыз.

Бәрәңге шарлары эченә сыер итеннән әзерләнгән фарш салырга да була.

Барлыгы 1 сәгать вакыт кирәк.