“Күңелле безнең урам”да күңелле булды

"Сарман: иң яңа хәбәрләр", 23 август 2022 - 08:35

636

Кичә район үзәгендәге Ленин урамының 57 А һәм 65 нче йортларында яшәүчеләр “Күңелле безнең урам” дигән урам бәйрәменә җыелдылар.

Күптән түгел әлеге йортларның ишегаллары “Безнең ишегалды” программасы кысаларында төзекләндерелгән иде. Бәйрәм Россия Федерациясе көненә, берочтан әлеге ишегалдының төзекләндерелүенә дә багышланды.
Бәйрәмгә җыелучыларны район башлыгы Фәрит Хөснуллин сәламләде, төзүчеләргә бүләкләр тапшырды. Соңыннан Сарман балалар сәнгать мәктәбе җырчылары, биючеләре тамашачыларга иң матур җырларын һәм биюләрен бүләк иттеләр. Ә балалар өчен хәрәкәтле уеннар оештырылды.