Куйбышев урамында игелекле күршеләр яши

"Сарман: иң яңа хәбәрләр", 23 август 2022 - 09:28

787

Кичә кич белән район үзәгендәге Куйбышев урамының 74, 76, 78, 80, 82, 84 нче йортларында яшәүчеләрне “Безнең ишегалды – игелекле күршеләр” исеме астында үткәрелгән ишегалды бәйрәме үзенә җыйды.

Аларны иң элек район башлыгы Фәрит Хөснуллин сәламләде, “Безнең ишегалды” программасы буенча районда башкарылган төзекләндерү эшләренә тукталды, төзүчеләрне бүләкләде, халыкка матурланган ишегалларының куанычын күреп яшәүләрен теләде. Соңыннан районыбызның мәдәният осталары тамашачыларга иң матур җырларын һәм биюләрен бүләк иттеләр. Бәйрәм күмәк бию белән тәмамланды. Анда катнашучылар истәлеккә фотога төшәргә дә онытмадылар. Ишегалды бәйрәме төзекләндерү кысаларында урнаштырылган матур эскәмияләрдә кич утыру белән төгәлләнде.