Конкурсны дәвам итәбез

Узган ел без, “Сарман” газетасының быел булачак 90 еллыгы уңаеннан, газетабыз, сайтыбыз һәм төркемебез битләрендә “тУКсан УК” дигән яңа проект башлап җибәрдек. Шуның кысаларында яшәгән җирлегебезнең, әйләнә-тирәбезнең чисталыгы проблемасын күтәрдек. Шул уңайдан район мәктәпләре укучылары арасында “Мин – авылның чисталыгы яклы” дигән сочинениеләр, сайтыбызда рәсемнәр һәм фотолар конкурсы игълан иткән идек. Эшләрне узган ел ахырына кадәр кабул итүебез хакында язсак та, без бәйгене агымдагы елның 1 июненә кадәр дәвам итәргә булдык. Редакциянең электрон адресына эшләрегезне юллый, шулай ук аларны китереп тә бирә аласыз, хөрмәтле дуслар. Сездән хатлар, фотолар һәм рәсемнәр көтеп калабыз.