Казанда махсус операция ветеранына кул белән идарә итә торган беренче автомобиль бирелде

Адель Уркунбаев республикада фонд филиалыннан машина ачкычы алган беренче кеше булды.

Адель Уркунбаев 18 яшендә контракт имзалаган, ә 2022 елның җәендә махсус хәрби операция зонасына киткән. 20 яшендә командир булган, батырлыгы белән аерылып торган. Беренче яраланудан соң Адель госпитализациядән баш тарта, позициядә кала һәм подразделениесен штурмга алып бара, шул вакытта биленә авыр җәрәхәт ала һәм аягы үтәли яралана. Шуннан соң аны Батырлык ордены белән бүләклиләр.

«Адель бездә бөтенләй үзенчәлекле ветеран. Яшь булуына карамастан, ул бик көчле һәм максатчан егет. Без аның белән танышкан беренче көннән үк фонд командасы аның янында булырга һәм аңа ярдәм итәргә тырышты. Беркайчан да күңелсезләнмичә, зур теләк белән барган катлаулы юлында ярдәм итәргә кирәк. Һәм бүген ул үзенең беренче автомобилен алды», - дип билгеләп үтте «Ватанны саклаучылар» фондының Татарстандагы филиалы җитәкчесе Гүзәл Удачина.

Ул ассызыклаганча, бу безнең геройларга тапшырылачак беренче, әмма соңгы автомобиль түгел. Тантаналы чарада махсус хәрби операциядән авыр җәрәхәтләр белән кайткан, әмма тулы канлы тормыш белән яшәргә теләкләрен югалтмаган хәрбиләр дә бар иде.

Татарстан Министрлар Кабинетының Сугышчан хәрәкәтләр ветераннары мәсьәләләре буенча координацион советтан тагын өч хәрбигә автомәктәптә укырга сертификат тапшырдылар. Алар имтиханны уңышлы тапшырганнан соң, кул белән идарә ителә торган автомобиль бирү мәсьәләсе хәл ителәчәк.

Адель Уркунбаевка яңа «Гранта» автомобиле белән дәүләт номеры тапшырдылар. Лаеш районы җитәкче (Адель тумышы белән Лаештан) аңа шулай ук инструментлар комплекты тапшырды, аның ярдәмендә машинага тантаналы төстә номерны беркеттеләр.

Егет яңа автода йөреп карады. Ул фондка, бигрәк тә үзенең остазына, шулай ук машина йөртү буенча инструкторга рәхмәт белдерде.

«Яхшы машина, тиз, тыңлый, уңайлы. Хәзер йөрербез, тагын да яхшырак булыр», - дип уртаклашты ул беренче узыштан соң хис-кичерешләре белән.

Адель Уркунбаев шулай ук автомобильне көндәлек медицина реабилитациясенә бару өчен кулланырга ниятләве турында сөйләде.

Транспорт сатып алу «Ватанны саклаучылар» фонды инициативасын Россия Президенты Владимир Путин хуплагач мөмкин булды. Дәүләт Думасы оператив рәвештә федераль законнарга төзәтмәләр кабул итте. Хәзер Фонд парлы ампутацияле һәм кресло-коляскада йөрүче махсус хәрби операция ветераннарын автомобильләр белән тәэмин итәчәк.

Тулырак: https://tatar-inform.tatar/news/kazanda-maxsus-operaciya-veteranyna-kul-belan-idara-ita-torgan-berence-avtomobil-birelde-5893768