Чурашның Әпүш машинасы Казанда парадта катнаша 

Хак булса, Чураш машинасының хәзерге көндә ДОСААФның республика комитетында саклануы һәм Казанда парадларда катнашуы турында мәгълүмат бар. 
Габдулла абзый Чураш авылының тарихи шәхесләренең берсе була. Колесный дип аталган тракторны да иң беренче Чурашка ул алып кайткан. Муллаттәй куагы дип йөртелә торган басуга хәтле аны авылның яше-карт, бала-чагасы озата барган. Әбиләр: “Хәсәннең Габдулласы әллә ниткән котсыз җен машинасы алып кайткан, җирне убып-убып ала икән, тәгәрмәчләре дә искитмәле олы, тешләре ыржаеп тора, хәерлегә булсын”, - дип, догаларын укыганнар. 
Габдулла абый исеме белән “Әпүш машинасы” дип йөртелгән полуторканың тарихы турында “Сарман” газетасындагы Вәсимә Хәйруллина язмасыннан укый аласыз.