Иске Минзәләбашта хәйрия акциясе үтте

Иске Минзәләбаш укучылары яхшылыкның нәрсә икәнен ишетеп кенә белмиләр, ә матур эш-гамәлләр кылырга тырышалар. Укучылар , Хәйрия көне уңаеннан, Әминә апа Хәйруллинага кунакка бардылар. Балалар Әминә апаның оныгы Нуриманга мәктәп исеменнән кечкенә бүләк тапшырдылар, аның белән аралаштылар. Әминә апа исә үзе тормышында күргән авырлыкларга карамыйча, бик шат күңелле кеше, шигырь юллары белән генә сөйләшә. Ул балаларга үзенең тормышын сөйләп алды, матур теләкләр теләп, озатып калды.