Иске Минзәләбаш авылында яшәүче Кудашева Гөлнәзирә Гали кызына Президент күчтәнәч җибәргән

- Менә бит, Аллаһы Тәгаләнең ярдәме белән, шундый зур бүләкләргә ия булдым. Хөрмәтләренә зур рәхмәт, - дип сөенә ул.
Тапкыр, җор телле, шаян сүзле авылдашларын барысы да ихтирам итәләр.
- Аллаһы Тәгаләгә якынрак - тау башында яшим мин, шуңа Ул миңа миһербанлы, барлык теләкләремне ишетә, яшәргә көч бирә, - дип кабатлый ветеран.
Гөлнәзирә апа табигатьне, туган ягын, аның халкын ярата. Хәтта бакчасында яшелчәләренә су сибә торган бочкасын да Татарстан флагы төсенә буяган.
Альбина Сабирова язмасы