Иске Минзәләбаш нәниләре курайда уйнарга өйрәнделәр
Курай – ул гади музыка коралы гына түгел, ә татар халкының рухи байлыгы, мәдәниятебезнең йөрәге. Узган атнада Иске Минзәләбаш авылы мәдәният йортында нәниләр өчен истәлекле чара узды. Балалар оста курайчы Мөнәвир Вәлиев белән очрашып, курайда уйнау серләренә төшенделәр.
Бу чараның әһәмияте бик зур. Беренчедән, балалар гап-гади камышның ничек итеп моңлы курайга — милли мирасыбызга әйләнүен үз күзләре белән күрделәр. Мондый очрашулар яшь буында туган традицияләребезгә карата тирән мәхәббәт һәм горурлык хисләре тәрбияли.
Икенчедән, курайда уйнау баланың гомуми үсешенә дә уңай йогынты ясый: ул сулышны, ишетү сәләтен һәм вак моториканы яхшырта. Шулай итеп, тәҗрибәле музыкантлар үзләренең осталык серләрен турыдан-туры яшьләргә тапшыралар, ә бу исә халык хәзинәсенең нәселдән-нәселгә сакланып калуын тәэмин итә.
Мондый мастер-класслар яшь буынны үз тамырларын онытмаска, халык моңын тоеп яшәргә өйрәтә.
Фотолар район Башкарма комитетының мәдәният бүлегенең ВКонтакте челтәрендәге төркеменнән алынды
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев