"Минем әнием – иң-иңе!" конкурсы. Иске Кәшердән Гөлшат Хәсәнова әнисе Гөлназга шигырь багышлаган

Иске Кәшер авылыннан Гөлшат Хәсәнова әнисе Гөлназга рәхмәтен, изге теләкләрен белдерә. Ул "Минем әнием - иң-иңе!" конкурсының беренче катнашучысы була.

"Барлык кылган изгелекләрең, ярдәмнәрең, балаларым дип өзелеп яшәгенең өчен рәхмәтлеребезне белдерәбез. Әтием белән бергә-бергә матур тормыш үтәргә язсын.

Матур итеп яшисез сез җирдә, үрнәк бит сез безгә һәр эштә.

Озын гомер сезгә теләгәндә, "Амин" диеп торсын фәрештә. "

- ди Гөлшат. Ул әнисенә шигырь дә багышлаган.

Рәхмәт, әни, яхшы кеше итеп, безне сөеп үстердең!

Үрнәк булып тормыш юлыбызда, яшәү өчен безгә көч бирдең!

Шатлык, бәхет, саулык, тынычлык - бездән шул теләкләр һәр көнгә.

Безне куандырып озак яшә, лаеклы син кадер-хөрмәткә.