Икенче Глобаль атналык

6 майдан 12 майга кадәр Берләшкән милләтләр оешмасы инициативасы белән юл иминлегенә багышланган икенче Глобаль атналык үтә.

Бу юлы ул җәяүлеләр иминлегенә багышлана. Бу вакыт эчендә Республика ЮХИДИ булекләре җәяүлеләр катнашында юл хәлакәтләрен булдырмау һәм аларнын санын киметү максатыннан күп төрле чаралар үткәрәләр. Атналык барышында җәяүле юл кичүләрендә табылган барлык җитешсезлекләрне бетерү максатыннан аларның торышы тикшереләчәк. Җәяүлеләр тарафыннан кагыйдә бозу һәм автотранспорт йөртүчеләрнең җәяүлеләргә юл бирмәү очракларын ачыклау буенча эш тагын да көчәйтеләчәк.