Гыйнварда Татарстанда 16 кеше алкогольдән агуланып үлгән

Бу хакта Роспотребнадзорның ТР буенча идарәсе матбугат хезмәте хәбәр итә, дип яза "Татар-информ" МА.

Статистика саннары:

 * 39 очрак — спиртлы эчемлекләр һәм составында спирт булган сыеклыклар белән кискен агулану теркәлгән. Бу узган елның шушы ук чоры белән чагыштырганда 1,3 тапкырга азрак.

 * 16 очрак — үлем белән тәмамланган. Узган елның гыйнварында республиканың 18 кешесе вафат булган иде.

 * 84,6% — агуланучыларның төп өлешен олы яшьтәгеләр тәшкил итә.

Кызганычка каршы, агулану очраклары балалар (10,2%) һәм үсмерләр (5,2%) арасында да теркәлгән. Статистика буенча, зыян күрүчеләр арасында ир-атлар күпчелекне тәшкил итә.

Сарман районы халкына спиртлы эчемлекләр сатып алганда игътибарлы булырга һәм сыйфатсыз продукциянең гомер өчен куркыныч икәнен онытмаска киңәш ителә.