Дүшәмбе киңәшмәсе Даулы болында үтте

"Сарман: иң яңа хәбәрләр", 15 май 2023 - 11:04

1103

Бүген чираттагы эшлекле киңәшмәгә район башлыгы Фәрит Хөснуллин җитәкчеләрне район Сабантуе уза торган мәйданга – Даулы болынга җыйды.

Иң элек ул Әлмәт авыл җирлеге башлыгы Данияр Газизовны гомер бәйрәме белән котлап, изге теләкләрен җиткерде.
Район Башкарма комитеты җитәкчесе урынбасары Индира Сәхипова Сабантуйга әзерлек планы белән таныштырды. Аннан барысы да авыл җирлекләре, оешма-предприятиеләр тарафыннан әзерләнә торган чатырларны карадылар.