19 июльдә республика территориясендә үзгәрүчән болытлылык көтелә, дип яза «Татар-информ» МА. .
Татарстан гидрометеорология үзәге мәгълүматларына караганда, көн дәвамында урыны белән кыска вакытлы яңгырлар булачак, ә көндезге сәгатьләрдә яшенле явым-төшемнәр дә күзәтелергә мөмкин.
Җилнең өстенлекле юнәлеше — төньяктан, тизлеге секундына 6–11 метр тирәсе. Яшен вакытында исә урыны белән 15–17 метрга кадәр көчәюе ихтимал.
Һава температурасы көндез +22..+27 градуслык җылылыкка кадәр күтәреләчәк.
Район территориясендә дә шундый ук һава торышы саклана.
Нет комментариев