Бүген бездә кунак бар

Бүген редакциябездә Әлмәт шәһәрендә яшәүче язучы - Татарстан язучылар союзы әгъзасы, Татарстан Республикасының атказанган мәдәният хезмәткәре, Шамил Бикчурин һәм Саҗидә Сөләйманова исемнәрендәге премияләр лауреаты һәм башка бүләкләр иясе Альберт Хәсәнов булып китте. Альберт ага - илледән артык китап авторы. Ул үзенең әсәрләрендә туган җиребезнең хезмәт кешеләренә, аның гаҗәеп бай һәм матур табигатенә дан җырлый. Иҗатташ дусты Равил Закиров белән ул безне бүгенге көндәге эшләре һәм киләчәккә планнары белән таныштырды. Сиксән яшьлек юбилее якынлашкан көннәрендә Альберт ага үзенең яңа романы өстендә эшли.