«Алтын каләм» фестиваленең XXX юбилей сезоны ачылды
Бүген Казанда «Алтын каләм» XXX Республика яшүсмерләр һәм яшьләр матбугаты фестиваленең рәсми ачылышы булды. Биш көнлек чара «Регата» кунакханәсендә уза һәм 75 катнашучыны берләштерде, дип яза «Татар-информ» МА.
Фестивальгә Татарстанның 16 районыннан — Казан, Әлмәт, Яр Чаллы, Яшел Үзән, Менделеевск, Азнакай, Мамадыш, Нурлат, Чистай, Баулы, Түбән Кама, Биектау, Яңа Чишмә, Лаеш, Чүпрәле, Арча шәһәр һәм районнарыннан, шулай ук Оренбург өлкәсеннән яшьләр килде. Иң күп гаризалар студентлар медиасы, тележурналистика, социаль челтәрләр һәм фотография юнәлешләре буенча төшкән.
Фестиваль программасы профессиональ журналистика мохитенә тулы сумыш принцибына корылган. Катнашучыларны белем бирү лекцияләре, төркемнәрдә практик эш, нетворкинг һәм мәдәни чаралар көтә.
Татарстан Яшьләр эшләре һәм спорт министры Азат Кадыйров әйтүенчә, «Алтын каләм» республика медиасферасы өчен квалификацияле кадрлар әзерләү системасында мөһим урын алып тора. Элекке фестиваль тәмамлаучылары бүген журналистикада актив эшли, үз проектларын алып бара. Монда яшьләр һөнәри осталыкка өйрәнә, редакция эше белән таныша, командада эшләү тәҗрибәсе туплый. Проект яшьләргә киләчәк һөнәрен сайларга һәм медиатармакта үз юлын табарга ярдәм итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев