65 нче йорт әллә каян аерылып тора

"Сарман: иң яңа хәбәрләр", 23 май 2023 - 13:04

1571

Район үзәгенең Ленин урамындагы 65 нче йорт яныннан үтүе бик күңелле хәзер, ул әллә каян күзгә ташлана: йорт тирәсе чиста, матур һәм тагы да яктырып киткән төсле.

Узган атнада бу йортта яшәүчеләр бердәм булып өмәгә чыктылар. Алар йорт яны территориясен җыештырдылар, чистарттылар, түтәлләрне казып, чәчәкләр утырттылар, капка-коймаларны буядылар. Аларга балалар да ярдәм иттеләр. Ә мангалда шашлык пеште. Эш кенә түгел, үзләре өчен менә дигән ял да, башкалар өчен үрнәк, ә балалар өчен хезмәт тәрбиясе дә булды бу чара.