«Китап» радиосында яңгыраячак әсәрләр тыңлаучылар теләге буенча сайланачак
Әлеге хәбәрне «Татмедиа» җәмгыятенең телевидение һәм радиотапшырулар департаменты җитәкчесе урынбасары, «Китап» радиосының баш мөхәррире Алмаз Миргаязов җиткерде. Чөнки, аның сүзләренә караганда, радиода бер интонациядәге текстны 3-5 минуттан да артык тыңлавы авыр.
«Халыкның нинди әсәр тыңлыйсы килүе турында социаль челтәрләрдә сораштыру үткәрергә мөмкин. Тик шунысын истә тотарга кирәк: радиода чын мәгънәсендә тыңлаучыларны кызыксындырырдай, бүгенге көн кадагына суга торган текстлар яңгырарга тиеш», — ди ул.
Аның сүзләренчә, «Ак чәчәкләр» романыннан өзекләрне дә радио өчен яраклаштырылган рәвештә яңгыратырга мөмкин. «Ул, кайчан укысаң да, актуаль. Билгеле, аны тулысынча сөйләп чыгып булмый, чөнки радиода бер интонациядәге әйберне 3-5 минуттан да артык тыңлавы авыр, кешенең физиологиясе аңа әзер түгел. Әмма әлеге текстка музыкаль паузадан соң кабат әйләнеп кайтырга мөмкин», — диде радио җитәкчесе.
Следите за самым важным и интересным в Telegram-каналеТатмедиа
Нет комментариев