"Үземнең дәү бабам белән горурланам", - ди Петровка Завод мәктәбе укучысы Данил Степанов

"Сарман: иң яңа хәбәрләр", 25 апрель 2020 - 17:54

1441

Минем дәү бабам - Шаһиев Шәйхезада Вәлиевич 1923елда Сарман районы Шыгай авылында туган.

1942 елда сугышка киткән. Смоленск, Ростов на Дону шәһәрләрен азат итүдә катнашкан. Балтыйк буена җиткән. Анда каты яраланып, ярты ел госпитальдә дәваланып, яңадан үзенең частенә кайткан. Сапер булган. Балтыйк буенда миналардан чистартуда катнашкан. Сугыштан 1947 елда кайткан. Аның бик күп бүләкләре бар - "Батырлык өчен" медале, 3нче дәрәҗә Дан ордены. Ул 1998 елда вафат булган. Без бабабыз белән бик горурланабыз!