Үзара салымны түләп бетерергә ашыгыгыз
Хөрмәтле сарманлылар! Дәүләт тарафыннан бирелә торган субсидияне искә алып, Сарман авыл җирлеге территориясендә яшәүчеләрнең үзара салым акчаларын агымдагы елның 1 мартына кадәр түләп бетерүләре сорала.
2020 елда ул һәр гражданга 350 сум күләмендә билгеләнде һәм аны Сарман авыл җирлегендә теркәлгән, һәр балигъ булган граждан түләргә тиеш. Салымны түләмәүчеләрнең әҗәтләре Татарстан Республикасы Дәүләт хезмәтләре порталында әҗәт булып күренеп торачак.
Үзара салымнан I һәм II төркем инвалидлар, 80 яшьтән өлкән гражданнар, бер ел дәвамында җирлек территориясендә яшәмәгән кешеләр (уку йортларының көндезге бүлекләрендә укучы студентлар, армия сафларында хезмәт итүчеләр, ирекләреннән мәхрүм ителүчеләр), тормыш хәле авыр булганнар (социаль яктан авыр хәлле, янгыннан зыян күрүче, каты авыру кешеләр) азат ителәләр.
Следите за самым важным и интересным в Telegram-каналеТатмедиа
Нет комментариев