Районга яңа реанимобиль кайтарылды

Әлеге машинаны район башлыгы Фәрит Хөснуллин да карады.
- Бу безнең өчен зур шатлык. Әлеге машинада авыруга ашыгыч медицина ярдәме күрсәтү өчен барлык мөмкинлекләр һәм җиһазлар бар. Әйтик, йөрәк эшчәнлеген торгызу, суырту, наркоз бирү, ясалма сулыш алдыру аппаратлары, глюкометр, дозатор, табиб һәм фельдшерлар өчен төрле җыелмалар һәм башкалар. Без мондый мөмкинлекләр өчен Сезгә һәм республика җитәкчелегенә бик рәхмәтлебез, - диде хастаханәнең ашыгыч ярдәм бүлеге табибе Фәнүсә Салихова, район башлыгына мөрәҗәгать итеп.
Зөлфия Шәрипова язмасы һәм фотолары