Район Советында чираттагы дүшәмбе киңәшмәсе узды.

Аны муниципаль районы Башкарма комитеты җитәкчесе Фәрит Хөснуллин алып барды.

· Хәрби хезмәткә көзге чакырылыш нәтиҗәләре һәм агымдагы елның язгы чакырылышына әзерлек турында Сарман һәм Мөслим районнары буенча хәрби комиссариат бүлеге начальнигы Дашгын Гасанов чыгыш ясады.

· Санитар-экологик икеайлыкка әзерлек хакында район Башкарма комитеты җитәкчесенең инфраструктур үсеш буенча урынбасары Раушан Солтанов сөйләде.

· Карашай Саклау авыл җирлегендә эшләр торышы белән җирлек башлыгы Ришат Әхмәтшин таныштырды.

Киңәшмә барышында һәм ахырында Фәрит Мөнәвирович каралган сораулар буенча тәкъдимнәрен кертте, йомгаклап, башкарыласы эшләргә бурычлар билгеләде.