Котлау бирәсегез булса

Без дә бу көннәрдә «Сарман»ның соңгы санын эшлибез. Ул – 27 декабрьдә, ә Яңа елның беренче саны 10 гыйнварда чыгачак. Шуңа күрә быелгы елда бирәсе белдерүләрегез, котлауларыгызны 25 декабрьгә кадәр редакция почтасына юллавыгыз сорала. Гадәттә, бәйрәм ялы көннәрендә дә туган көннәрен, гомер бәйрәмнәрен билгеләп үтүчеләр аз булмый. Бу көннәргә туры килә торган котлауларыгызны да агымдагы елда биреп кала аласыз. Аларны шулай ук газета сайты, социаль челтәрләребездә дә урнаштырырга мөмкин. Алар бәйрәм көннәрендә дә эшләячәк. Сездән хәбәрләр көтәбез, хөрмәтле райондашлар!