Сарманлылар туган көннәрен Дмитрий Медведев белән бергә билгеләп үтәләр

"Сарман: иң яңа хәбәрләр", 14 сентябрь 2018 - 10:58

1477

Бүген Россия премьер-министры туган көнен – 53 яшь тулган көнен билгеләп үтә.

Райондашларыбыз – Сарман авылында яшәүче Ленар Халиков һәм Дүсем авылында яшәүче Рубис Шәйдуллинның да бүген – туган көннәре. Ә райондашларга матур-матур шигырьләре белән яхшы таныш Әшрафулла абый Зариповның бүген – гомер бәйрәме, аңа 70 яшь тула.
Сентябрь – Кыз йолдызлыгына туры килә. Бу айда туучы ир-атлар кечкенә яшьтән үк үз-үзләрен тәэмин итәргә, гаиләгә ярдәм итәргә омтылалар. Аларның мөстәкыйльлеккә, бизнес һәм сәнгатькә сәләтле булулары, финансларны тәртип белән тота белүләре эшмәкәрлек эшчәнлекләрендә уңышлы чагыла. Ә менә алар эмоцияләрен бик үк тышка чыгарырга яратмыйлар. Хезмәт сөючәнлек һәм сабырлык – аларның иң яхшы сыйфатлары.