Сарманда яшәүче Җинан апа гомер бәйрәмен билгеләп үтә

автор, 24 август 2018 - 13:40

1581

Бүген Сарман авылында яшәүче тыл һәм хезмәт ветераны Мөхәммәтҗанова Фәхерлеҗинан Әхмәтҗан кызына 95 яшь тулды

Аны олы юбилее белән район Советы аппараты җитәкчесе Фәндәс Вәлиев тәбрикләде, Россия Федерациясе Президенты Владимир Путинның Котлау хатын, район башлыгы Фәрит Хөснуллин исеменнән кыйммәтле бүләк тапшырды. Җинан апаны котларга 28 ел тырыш хезмәт куеп, лаеклы ялга чыккан эш урыныннан – Сарман киноучреждениесеннән дә килгәннәр иде. Киноучреждение директоры Ринат Шәрәфетдинов коллектив исеменнән котлау сүзләрен җиткерде. Сарман авыл җирлеге Башкарма комитеты җитәкчесе Николай Сахуриев, “Шәфкать” үзәгенең өйгә йөреп социаль хезмәт курсүтү бүлеге мөдире Гүзәл Рәфыйкова, якыннары, күрше-тирәләре дә Җинан апага ихлас котлау сүзләрен ирештерделәр, ныклы сәламәтлек, шатлык-куаныч белән тагын күп еллар гомер кичерүен теләделәр.
Җинан апа турындагы тулырак язманы газетабызның киләсе саннарының берсендә укый аласыз.