Районның чик сакчыларын бәйрәм белән котлыйбыз

Хәрби хезмәтләрен чик буе гаскәрләрендә үткән район ир-егетләре күркәм традиция буенча бу көнне җыелалар.
Бүгенге көндә районда чик буе гаскәрләрендә хезмәт иткән 300гә якын ир-егет яши. Аларның бердәмлеге, тырышлыгы нәтиҗәсендә район үзәгендәге Ял паркында һәйкәл дә куелды. Шул истәлекле урынга килеп, быел да чик сакчылары үзләренең әләмнәрен күтәрделәр.
Чик сакчыларын һөнәри бәйрәмнәре белән ихластан котлыйбыз. Гаилә бәхете, сәламәтлек, бәрәкәтле тормыш телибез. Елларыбыз имин, чикләребез һәрчак тыныч булсын!

Альбина Сабирова язмасы, фотолары һәм видеолары